N!DA İH üzvü Elmir Abbasov təcridxanalar haqqında müsahibə - 09 yanvar 2023

09/01/2023

Nida Vətəndaş Hərəkatının İdarə Heyəti üzvü Elmir Abbasov 2021-ci ildə 2 dəfə olmaqla, ümumilikdə 60 gün inzibati həbs cəzası alıb.

“Orada olduğum müddətdə bu “menyu” heç dəyişmədi. Qanunvericilikdə göstərilir ki, müəyyən qədər ət, yağ, yumurta və s. ərzaqlar verilməlidir. Yəni fərqli çeşiddə olan məhsullar minimal da olsa məhbusa verilməlidir, amma mən orada olduğum müddətdə bunların heç biri ilə qarşılaşmadım. Bir insanın qəbul edə biləcəyi kalori miqdarı heç cür qarşılanmırdı” - deyə, Abbasov bildirib.

Elmir Abbasovun sözlərinə görə, o, iki dəfə inzibati həbsdə olduğu müddətdə 3-4 kiloqram çəki itirib:

“Kağız üzərində dövlətin ayırdığı müəyyən şeylər var, onların heç biri ilə sən orada qarşılaşmırsan. Təbii ki, insanda sual yaranır, kağız üstündə varsa, sən bunlarla qarşılaşmırsansa, demək ki, burada bir korrupsiya faktı var. Ümumiyyətlə, düşünürəm ki, Azərbaycan həbsxanaları böyük bir korrupsiya mənbəyidir, yəni ayrılan invertar məhbuslara gəlib çatmır. Bu isə ciddi məsələdir”.